Hyfforddiant Cymorth Cyntaf

Ym mis Mai cynhaliwyd cwrs hyfforddiant cymorth cyntaf llwyddiannus ar gyfer staff a phobl ifanc. Dywedodd Rheolwr y Ganolfan Steve Fawdry, “darparodd y cyfuniad o ddysgu ymarferol am gymorth cyntaf, gyda chyfnodau o senario ffug, cyfleodd real yn debyg i fywyd go iawn er mwyn dysgu. Roedd hwn yn gyfle gwych i staff a phobl ifanc i dreulio amser gyda’i gilydd yn dysgu. Ar ddiwedd y cwrs, roedd pawb yn falch pan ddywedodd Cath, ein tiwtor, fod pawb wedi cwblhau’r cwrs yn llwyddiannus”. (Jane, Gareth a Steve yn rhoi rhwymynnau ar Callum)

Gwirfoddolwraig Newydd

Hefyd ym mis Mai, ymunodd Fiona Beale â ni fel gweithwraig ieuenctid gwirfoddol ac aelod o’r pwyllgor. Wedi ei geni yn Derby, mynychodd Fiona Prifysgol Sheffield gan ennill BSc gydag anrhydedd mewn Rheolaeth Adloniant Cefn Gwlad. Symudodd i Gymru llynedd er mwyn bod gyda ffrindiau a threulio mwy o amser yn garddio, sef un o’i diddordebau. Mae ei diddordebau eraill yn cynnwys cerdded, chwaraeon anturus, diddanu a darllen. Dywedodd Fiona “Roeddwn am wneud rhywbeth gwerth chweil i bobl ifanc leol. Rwyf yn mwynhau gweithio gyda nhw ac eisiau eu gweld nhw’n llwyddo mewn bywyd.”

Rhaglen yr Haf

Ym mis Gorffennaf fe wnaethom westeya gr p o bobl ifanc o wlad Pwyl a oedd yn ymweld â Gorllewin Cymru ar daith gyfnewid a drefnwyd gan Gymdeithas Tai Hafan. Fe wnaethom eu tywys o amgylch y Ganolfan a’r dref a choginio barbeciw iddynt ym Mhlas-y-Dderwen.

Ar ddiwedd Gorffennaf, aethpwyd â grŵp i NASS (y sioe chwaraeon eithafol) ym maes sioe Caerfaddon a’r Gorllewin a gwersylla yno am 2 noson. Gwelodd pobl ifanc rhai o gystadleuwyr gorau’r byd yn perfformio a chawsont gyfle i roi cynnig ar sgrialu mynydd, sgrialu a llawer mwy. Cafwyd amser da gan bawb ac fe wnaethom ddychwelyd gyda grŵp blinedig ond hefyd bodlon o bobl ifanc.

Yn ystod gwyliau’r haf, fe wnaethom weithio ar y cyd gyda Gwasanaeth Ieuenctid Ceredigion, i gynnal ystod eang o weithgareddau awyr agored gan gynnwys paint balling, rasio ceir gwyllt, beiciau quad, sgïo ar lethr sgïo a rafftio ar ddŵr gwyn.

Yn ogystal â bod yn llawn hwyl, bwriedir y rhaglen i adeiladu tîm a datblygu fforwm euenctid i bobl ifanc i roi llais iddynt fydd yn cael ei glywed ar lefel llywodraeth leol.

Sylw ar y Staff

Cyfarfod y Bobl Ifanc

Dyma Aidan (canol) 14 oed a’i ffrindiau Dafydd (chwith) a Lee (dde). Mae Aidan wedi bod yn dod i’r clwb ieuenctid ers deufis ac yn argymell dod gyda ffrindiau i ddechrau oherwydd mae’n teimlo’n well. “Mae’n le da i gyfarfod a threulio amser gyda ffrindiau,” dywedodd Aidan. “Rwyf yn hoffi mynd ar y We a chwarae pwl. Bûm gyda’r clwb ieuenctid i Theatr y Mwldan i weld fideo a wnaed gan bobl ifanc am beryglon cyffuriau ac alcohol. Mae’n eithaf brawychus i weld yr hyn gall cyffuriau ei wneud a gwnaeth y fideo i mi feddwl nad yw cyffuriau yn cwl. Rwyf yn ffrindiau gyda’r rhan fwyaf o staff y ganolfan ieuenctid. Mae’r staff yn eithaf cwl ac maent yna os ydych chi eu hangen nhw.” Mae Aidan yn hoffi D12 & Eminem.

Daeth Jake , 16 oed, i’r clwb ieuenctid am y tro cyntaf dair blynedd yn ôl tra’n mynychu Ysgol Dyffryn Teifi. Ar ôl cael ei ddiarddel o’r ysgol, dechreuodd Jake wneud defnydd o’r cyfleuster galw heibio yn y dydd. “Rwyf yn mwynhau mynd i’r ganolfan galw heibio oherwydd mae’n rhoi rhywbeth i mi ei wneud,” dywedodd Jake. “Rwyf yn hoffi chwarae pwl a sgwrsio gyda ffrindiau. Mae’r staff yn ein trin ni fel oedolion nid fel plant – maent yn cwl ac yn sbri.” Yn ddiweddar daeth person o Gyrfa Cymru i’n gweld a’m cynorthwyo gyda llunio CV a bu hyn o help mawr i wrth wneud cais llwyddiannus i ymuno â’r fyddin”. Hoff fand – Guns & Roses.

Trip i Theatr y Mwldan

Yn Hydref aethpwyd â grŵp o naw o bobl ifanc i Theatr y Mwldan i weld fideo addysgiadol am gyffuriau, alcohol ac ymddygiad anghymdeithasol sydd yn ymwneud â hyn. Roedd y fideo yn cynnwys cyfraniadau gan nifer o grwpiau ieuenctid yng Ngheredigion, gan gynnwys Penparcau, Ieuenctid Tregaron a disgyblion o Ysgol Ceredigion. Dangosodd nifer o ffilmiau byrion effeithiau negyddol diflastod a deimlir gan nifer o bobl ifanc yn tyfu i fyny mewn ardaloedd gwledig. Er bod rhai wedi cael y ffilmiau yn eithaf syfrdanol, gobeithiwn y bydd hyn yn arwain at addysg fwy cyflawn am yr hyn sydd yn brysur yn tyfu’n rhan fawr o ddiwylliant pobl ifanc.

Codi Arian

Dros y 12 mis diwethaf, rydym wedi bod yn llwyddiannus yn codi £12,000 o chwe ymddiriedolaeth i’n galluogi ni i ddodrefni’r Ganolfan. Hyd yn hyn rydym wedi prynu bwrdd tennis bwrdd newydd, rhewgell-rewgist, byrddau a chadeiriau, 3 chyfrifiadur, camera digidol, offer gwersylla, drymiau ail law, deciau record dwbl, seinchwyddwr, seinyddion, ystod o oleuadau a phel ddisgleirio yn gweithio oddi ar drydan.

Mae ein diolch diffuant yn mynd I Elusen Percy Bilton, Sefydliad Garfield Weston. Sefydliad Elusen Bernard Sunley, Sefydliad Hayward, Ymddiriedolaeth Dulverton a Sefydliad Rank.

Prosiectau Presennol

Mae grŵ p o ferched (ac ambell i fachgen) wedi bod yn gweithio gyda’i gilydd i wneud clytweithiau a fydd yn y diwedd yn cael eu gwnïo gyda’i gilydd i wneud llun lliwgar gyda logo ITY yn nodwedd ganolog. Mae’r marched hefyd wedi bod yn gwneud bagiau ysgwydd, felly gwyliwch Trinny a Susannah – rydym yn gwybod beth i wisgo.

Prosiectau sydd ar y Gweill

Mae digon wedi ei drefnu ar gyfer y gaeaf hefyd. Yn ystod y misoedd nesaf, byddwn yn ymgymryd â pheth gwaith adeiladu er mwyn llanw’r gwagle yn y llawr cyntaf. Bydd hyn yn cynyddu’r man llawr o’r prif ystafell lan llofft a fydd felly yn ein caniatáu ni i wneud gwell defnydd o’r lleoliad. Bydd goleuadau’r llawr isaf yn cael eu cynyddu er mwyn gwneud gwrth effaith i llai o olau naturiol fydd ar gael.

Fel rhan o’r trawsnewidiad lan llofft, bydd gan pobl ifanc gyfle i weithio ar ddau brosiect celf. Y cyntaf bydd i gynllunio ac adeildu nyth brain D.J. yn defnyddio polion sgaffold ac ystod o fetelau. Yr ail bydd ail greu y dirwedd lleol ar walau 15 troedfedd ac wedyn gosod eu hunaniaeth i wahanol rannau o’r dirwedd y maent yn gallu uniaethu iddo gan ddefnyddio celf graffiti.

Yn olaf, bydd pobl ifanc ynghlwm â chynllunio a chreu mosäig i fynd ar y bwrdd canolog y tu allan i’r Ganolfan. Unwaith y byddwn wedi casglu rhai syniadau cynllunio, byddwn wedyn yn gofyn am farnau ein cymdogion cyn dechrau. Mae’r prosiect hwn wedi cael ei ariannu gan Ymddiriedolaeth y Tywysog.

Gwybodaeth Prosiect

Mae Ieuenctid Tysul Youth (ITY) yn grŵp ieuenctid gwirfoddol yn Llandysul. Rydym wedi cyflwyno gwahanol wasanaethau addysg a chynhaliaeth bersonol a chymdeithasol i bobl ifanc rhwng 10-25 oed dros yr wyth mlynedd diwethaf.

Ein canolfan yw hen Gapel wedi’i addasu, ac oddi yno fe ddarparwn ganolfan galw heibio ar ôl ysgol, clwb ieuenctid gyda’r nos (Nos Fercher & Nos Iau) a gwasanaeth bws mini casglu a gollwng.

Mae ein gwaith yn seiliedig ar y Cwricwlwm Gwaith Ieuenctid i Gymru ac rydym yn ceisio gwella ansawdd bywyd pobl ifanc a’r dewis o gyfleoedd sydd ar gael iddynt.

Er mwyn cael gwybod mwy am yr hyn rydyn ni’n ei gynnig, i wirfoddoli neu i ymuno â’r pwyllgor rheoli, cysylltwch â Steve Fawdry neu Steve Parkin.

Canolfan Ieuenctid Tysul, Lon Wesley, Llandysul.

Ffôn: 01559 362908 / E-bost admin@tysulyouth.co.uk

’Cynnal pobl ifanc ar y daith at dyfu’n oedolion’